Lög og reglugerðir

Lög Félags sérfræðinga í klínískri sálfræði (FSKS)

(The Icelandic Association of Clinical Psychologists)

1.gr.

Félagið heitir Félag sérfræðinga í klínískri sálfræði. Heimili þess og varnarþing er í Reykjavík.

2.gr.

Markmið félagsins eru:

  1. Að gæta hagsmuna sérfræðinga í klínískri sálfræði og kynna sérþekkingu þeirra og starfssvið.
  2. Að stuðla að og fylgjast með faglegri þróun í klínískri sálfræði.
  3. Að styrkja samstarf og samheldni félagsmanna.

3.gr.

Skilyrði til þátttöku í félaginu er að viðkomandi hafi leyfi embættis landlæknis til að kalla sig sérfræðing í sérgrein innan sálfræði, starfa sem slíkur hér á landi og hafi hlotið viðurkenningu heilbrigðisráðuneytis í klínískri sálfræði eða í öðrum klínískum sérgreinum í sálfræði.

Þegar félagsmaður fer á eftirlaun fær hann heiðursaðild að FSKS. Aðalfundur FSKS getur einnig veitt öðrum sérfræðingum í klínískri sálfræði heiðursaðild. Heiðursfélagar greiða ekki félagsgjöld en halda öllum félagslegum réttindum.

4.gr.

Stjórn félagsins skipa 4 fulltrúar, formaður, ritari, gjaldkeri og meðstjórnandi kosnir sérstaklega til 2ja ára í senn. Annað hvert ár er kosinn formaður og meðstjórnandi en ritari og gjaldkeri hitt árið. Hlutverk formanns er að vera fundarstjóri á fundum félagsins og standa vörð um hagsmuni þess. Ritari heldur fundargerðir og gjaldkeri sér um fjármál. Meðstjórnandi sinnir tilfallandi verkefnum stjórnar. Félagsgjöld eru ákveðin á aðalfundi.

5.gr.

Félagið heldur stjórnarfundi og almenna félagafundi yfir vetrarmánuðina samkvæmt ákvörðun stjórnar. Aðalfundur skal haldinn að vori.

6.gr.

Verði félaginu slitið falla eignir þess til Sálfræðingafélags Íslands.

7.gr.

Lög þessi skulu endurskoðuð einu sinni á ári, á aðalfundi félagsins.

Samþykkt á aðalfundi 2023, með áorðnum breytingum.

 

Lög um heilbrigðisstarfsmenn má finna hér

Reglugerð um menntun, réttindi og skyldur sálfræðinga og skilyrði til að hljóta starfsleyfi og sérfræðileyfi má finna hér

Upplýsingar og umsóknareyðublað um sérfræðileyfi í sálfræði má finna hér

Siðareglur sálfræðinga má finna hér

Skrá um rekstraraðila í heilbrigðisþjónustu er að finna hér (smelltu á „rekstraraðila“ í textanum á síðunni til að sækja Excel skrá)